Gjykata e Posaçme e Apelit do të pritet të dalë me një vendim këtë të premte (25 prill), pas ankimit të SPAK për të mos hetuar çiftin Olta Xhaçka dhe Artan Gaçi.
Prokuroria e Posaçme ka ankimuar vendimin e e GJKKO, e cila detyroi SPAK të hetojë Xhaçkën dhe bashkëshortin e saj, lidhur me ndërtimin e resortit në bregdet, i cili është shpallur nga qeveria si investitor strategjik.
Ankimi është regjistruar në kohë rekord dhe seanca do të bëhet sot në orën 10.00 për shqyrtuar kërkesën në Apelin e Posaçëm.
Më 1 prill 2025 Gjykata e Posaçme urdhëroi SPAK që të regjistrojë kallëzimin penal dhe të nisë hetimet ndaj Olta Xhaçkës dhe bashkëshortit të saj, Artan Gaçi, për akuzat e shpërdorimit të detyrës, falsifikimit të dokumenteve dhe pastrimit të produkteve të veprës penale të kryer në bashkëpunim.
Urdhri nga nga gjyqtarja Flora Hajredinaj e Gjykatës së Posaçme erdhi pasi shqyrtoi ankimin e bërë nga eurodeputeti Fredi Beleri.
Eurodeputeti Fredi Beleri në kallëzimin e tij kërkoi shfuqizimin e vendimit të Prokurorisë së Posaçme për Korrupsionin dhe Krimin e Organizuar, që kishte vendosur të mos fillojë procedimin penal ndaj Olta Xhaçkës dhe Artan Gaçit. Vendimi i SPAK datoi 27 dhjetor 2024, dhe Beleri kërkoi që të rishikohet dhe të hapen hetime përkatëse për këto individë.
