Ndeshja mes Barcelonës dhe Interit pritet të jetë shumë e tensionuar jo vetëm në fushën e lojës, ku dy skuadrat luftojnë për një vend në finalen e madhe të Ligës së Kampioneve. Sfida në Katalonjë është klasifikuar e “rrezikshmërisë së lartë’ ngaa Komisioni shtetëror në Spanjë kundër dhunës në sport.
Komisioni në fjalë e ka sinjalizuar një ndeshje të tillë me shumë rrezikshmëri, por kjo nuk do të thotë se tifozët e Interit nuk do të jenë të lejuar në impiantin e katalanave. Por për këtë ndeshje do të ketë masa speciale sigurie, me shtimin e kontrolleve dhe praninë më të madhe të forcave të rendit.
Në Katalonjë prej vitesh kanë shpërndarë grupet e organizuara të tifozëve, duke mos lejuar grupime në stadiumet e tyre. Por gjithsesi, grupe ultrasish, me raste të dhunshëm, mbeten gjithmonë pranë ambienteve të klubit.
Ndaj duke ditur rëndësinë e kësaj ndeshje, për të shmangur surpriza të pakëndshme, ëshët vendosur që të cilësohet e rrezikshmërisë së lartë, për ta përgatitur në mënyrën e duhur.
E të njëjtit nivel rrezikshmërie është sinjalizuar edhe finalja e Kupës së Mbretit që katalanasit luajnë ndaj Real Madridit.
