Si mos i mjaftonin 12 vite qeverisje, Edi Rama ka vijuar premtimet e njëjta si në vitin 2013.
Kreu i qeverisë ka folur për ujin e pijshëm përgjatë 24 orëve në Durrës, duke u zotuar se kjo problematikë do të marrë fund në këtë qark përgjatë mandatit të katërt.
“Kur kemi marrë mandatin e tretë kam thënë do ta mbështesim Durrësit dhe po të shohësh shifrat, kështu ka ndodhur vërtetë. Durrësi është një nga qytete që e ka patur problem ujin e pijshëm, historikisht. E ka pas gjithmonë me orar, me probleme, me zona pa ujë fare dhe sot jemi në Bashkinë e Durrësit në nivelin me ë mirë të furnizimit me ujë. Kemi zona me 24 orë ujë dhe me investimin e ri që do të bëjmë, do ta përmbyllin në mandatin e katërt edhe këtë problematikë. Durrësi nuk do të ketë më fare problem me ujin e pijshëm”, tha Rama.
