Një banderolë kundër Edi Ramës është vendosur ditën e sotme në një prej kullave që po ndërtohet pranë sheshit “Skënderbej” dhe që supozohet se projekti është bërë që kulla të përngjajë me kokën e Skënderbeut.
“Rama ik – ik – ik” – shkruhej në banderolën ebardhë të vendosur në një prej ballkoneve të kullës, teksa shkrimi ishte kuqezi.
Fotot janë shpërndarë në rrjetet sociale nga deputeti Edi Paloka, i cili nisur nga aludimet se kulla i ngjan më shumë kokës së Edi Ramës se sa Skënderbeut, shkruan me ironi: “Kësaj i thonë të ta bëjnë mu në kokë…!”
