Një i mitur ka denoncuar sot në media dhunën fizike të njerkut të tij. Përmes një video të shpërndarë në rrjet, i mituri ka kërkuar ndihmë.
Menjëherë pas publikimit të videos, shërbimet e Komisariatit të Policisë Durrës kanë identifikuar dhe shoqëruar në ambientet e policisë, shtetasin S. K., 51 vjeç.
Përmes një komunikate zyrtare, policia e Durrësit thotë se, për rastin në fjalë, janë pyetur dy të miturit që shfaqeshin në video, si dhe nëna e 13-vjeçarit, shtetasja E. Q., në prani të punonjëses sociale dhe psikologes.
Pas intervistimit dhe komunikimit me Prokurorin, u procedua penalisht për veprat penale “Dhuna në familje” dhe “Keqtrajtimi i të miturit”, shtetasi S. K., 51 vjeç, banues në Durrës.
Reagim i Drejtorisë Vendore të Policisë Durrës
Në lidhje me një video të postuar në portalin online “JOQ Albania”, ku shfaqet një shtetas i mitur i cili shprehet se dhunohet nga njerku i tij, ju informojmë se:
Menjëherë pas publikimit të videos, shërbimet e Komisariatit të Policisë Durrës kanë identifikuar dhe shoqëruar në ambientet e Policisë, shtetasin S. K., 51 vjeç.
Gjithashtu, për rastin në fjalë, janë pyetur dy të miturit që shfaqeshin në video, si dhe nëna e 13-vjeçarit, shtetasja E. Q., në prani të punonjëses sociale dhe psikologes.
Pas intervistimit dhe komunikimit me Prokurorin, u procedua penalisht për veprat penale “Dhuna në familje” dhe “Keqtrajtimi i të miturit”, shtetasi S. K., 51 vjeç, banues në Durrës.
