Janë luajtur ditën e sotme 6 ndeshjet e javës së parafundit të Kategorisë së Parë, ku sërish e la të hapur garën për vendin e dytë në tabelën e renditjes që të kualifikon direkt për në Kategorinë Superiore për sezonin e ardhshëm. Besa dhe Flamurtari, që luftojnë për atë pozicion në tabelë, bënë detyrën në ndeshjet e tyre.
Më konkretisht, kavajasit fituan minimilaisht 1-0 kundër Vorës, me një gol nga Kapo në minutën e ’30 të takimit. Vorakët, të cilët një javë më parë u shpallën zyrtarisht kampion dhe siguruan ngjitjen në Superligë për herë të parë në histori, kishin hedhur në fushë emra të rinj.
Ndërkohë, vlonjatët fituan lehtësisht me rezultatin 2-0 përballë Erzenit, të rrëzuar nga Kategoria. Golat u shënuan nga Oshafi dhe Batha, nga një për secilin fraksion loje.
Flamurtari ndodhet në vendin e dytë, 1 pikë më shumë se Besa dhe gjithçka do të vendoset në javën e fundit, ku vlonjatët luajnë në transfertë përballë Vorës, ndërsa kavajasit në transfertë kundër Valbonës.
Në ndeshjet e tjera, Apolonia u ndal në barazim 1-1 nga Kastrioti dhe fierakët do diskutojnë play-offin me Lushnjën në javën e fundit. Derbi i Myzeqesë do tregojë se cili ekip do garojë për të pasur shanse për në Superligë. Ndërkohë, sot Lushnja u befasua në shtëpi duke u mundur 0-1 nga Korabi, i cili siguroi qëndrimin në Kategori.
Nga ana tjetër Pogradeci fitoi me rezultatin 3-0 kundër Kukësit dhe siguroi edhe matematikisht zonën play-off, duke lënë verilindorët në zonën play-out. Fitore regjistroi edhe Burreli, që mposhti 2-1 Valbonën.
REZULTATET E NDESHJEVE TË SOTME
FLAMURTARI 2-0 ERZENI
25′ Oshafi, 85′ Batha
BESA 1-0 VORA (“Arena e Demave”)
30′ Kapo
BURRELI 2-1 VALBONA
51′(p) Ferruku, 70′ Rroku – 15′ Balla
POGRADECI 3-0 KUKËSI
17′(p) Zguro, 50′ Ivani, 56′ Pius
KASTRIOTI 1-1 APOLONIA
80′ Biba – 53′ Trifoni
LUSHNJA 0-1 KORABI (Në Plug)
62′ Mziu
Verdiktet e sezonit 2024-25 në Kategorinë e Parë
Skuadra kampione: Vora
Skuadrat që kanë siguruar play-off: Flamurtari, Besa, Burreli dhe Pogradeci
Gara për vendin e dytë: Flamurtari dhe Besa
Gara për një vend në play-off Apolonia dhe Lushnja
Skuadrat që do garojnë në play-out: Kastrioti, Kukësi
Skuadrat e rrëzuara nga Kategoria e Parë: Valbona, Erzeni
RENDITJA
KALENDARI PËR JAVËN E FUNDIT
