Gazetari Enton Abilekaj ka kritikuar dështimin e politikave të “Balkanit të Hapur”, të mbështetura nga Merkel dhe udhëheqësit rajonalë, si Vuçiç dhe Rama, duke theksuar se këto iniciativa krijuan më shumë iluzione për zhvillimin dhe demokracinë, se sa ndihmuan zhvillimin real.
Sipas tij, një pjesë e madhe e politikës ndërkombëtare ka krijuar një “paqe artificiale”, e cila nuk ka arritur të sjellë përparim të qëndrueshëm për qytetarët e rajonit dhe ka favorizuar vetëm interesat personale të liderëve.
“Jetojmë në një kohë shumë të keqe për të kërkuar kaq shumë nga BE, mendoj. Edhe më parë kur SHBA-të nuk kërcënoheshin nga ndarje kaq e madhe idesh, kur në krye të SHBA-ve nuk ishte një president i cili nuk i vë përpara të drejtat e njeriut dhe demokracinë, përpara marrëdhënieve me vendet e ndryshme.
Përsëri ne kishim një zgjedhje të stabirokracisë, edhe nga Uashingtoni dhe nga Brukseli. Zonja Merkel kishte një situatë shumë më komode ndërkombëtare, mund të mos i zgjidhte Vuçiç edhe Ramën si bashkëpunëtorët e saj në rajon edhe mos të them që këtë pushtet e morën dhe me bekimin e saj nga marrëdhëniet e brendshme për të pasur më pas, një marrëdhënie të jashtme në dukje, paqësore dhe për të ndërtuar një Balkan të Hapur apo iluzione të tjera që nuk e ndihmuan demokracinë në rajon.
Dhe nuk e çuan dot përpara balkanin e hapur, pavarësisht insistimit të tyre apo bekimit që iu dha nga ndërkombëtarët. Dhe vetvetiu kjo nuk mund ta çojë mungesën e demokracisë përpara rajonin, sepse në një përfundim degjeneron një grup interesash personale të liderit dhe pastaj kjo i përjashton qytetarët, përjashton të gjithë grupet e interesit nga zhvillimet dhe nga qeverisja.
Si rrjedhojë, e çon vendin shumë më mbrapa, por pasi ka krijuar një iluzion demokratik dhe një iluzion zhvillimi.
Në këtë situatë jemi sot ne. Sot kur pasi BE me Merkelin dhe SHBA nën Obamën, Trump dhe pastaj Biden, investuan dy lider kryesisht rajonalë, dy Vuçiç dhe Rama, që të krijonin një paqe artificiale le të themi në rajon. Dhe më pas, me autoritetin e tyre të imponoheshin edhe të tjerët, si Kosova apo Dodik dhe të krijonin një komunitet balkanik-perëndimor“, tha Abilekaj në Syri TV.
