Një punonjës karburanti është konfliktuar fizikisht gjatë natës së kaluar në Korçë, me një person ende të paidentifikuar.
Bëhet fjalë për shtetasi me inicialet R.H., teksa ngjarja ka ndodhur rreth orës 01:35, në lagjen nr 10 të qytetit juglindor.
Pas sherrit, personi tjetër ishte larguar në drejtim të paditur, teksa punonjësi i karburantit ka mbetur i dëmtuar, dhe pasi mori ndihmë mjekësore në spital, është larguar për në banesë.
Policia e Korçës thotë se nga veprimet e para hetimore rezulton se nuk është vjedhur asnjë gjë në pikën e karburantit ku ka ndodhur sherri.
Sipas autoriteteve, grupi hetimor, në drejtimin e Prokurorisë, po punon për zbardhjen dhe dokumentimin e rrethanave të rastit, identifikimin dhe kapjen e autorit.
