Një 16-vjeçar është arrestuar nga policia në Tiranë për dhunë në familje.
Sipas ‘bluve’ të kryeqytetit, 16-vjeçari ka ushtruar dhunë ndaj nënës dhe motrës së tij të mitur.
Ndërsa gjatë kontrollit nga policia, iu gjet një sasi lënde e dyshuar narkotike kanabis.
“Specialistët për Hetimin e Krimeve të Komisariatit të Policisë Nr. 4 ndaluan me iniciativë një shtetas 16 vjeç, pasi dyshohet se ka ushtruar dhunë ndaj nënës dhe motrës së tij të mitur. Gjatë kontrollit fizik, atij iu gjet një sasi lënde e dyshuar narkotike kanabis”, njoftoi policia.
Materialet procedurale iu referuan Prokurorisë së Tiranës, për veprime të mëtejshme.
