Ministria italian i Drejtësisë, Carlo Nordio ka miratuar të premten përfundimisht ekstradimin e biznesmeni italian, Davide Pecorelli që inskenoi vdekjen e tij në Pukë për t’i shpëtuar borxheve.
Në muajin Maj të vitit të kaluar, “dritën jeshile” për ekstradimin e Davide Pecorellit e dha edhe Gjykata e Apelit e Perugias, bazuar në ekzekutimin e urdhër arrestit ndërkombëtar të lëshuar më 2 Tetor 2022 nga gjykata e Shkodrës, që e dënoi me 4 vite burg me akuzën e mashtrimit, zjarrvënies dhe shpifjes.
Pas vendimit të ministrit italian, Davide Pecorelli ka folur mëediat vendase, ku tha: “E pranoj, por jam seriozisht i shqetësuar për katër fëmijët e mi, dy prej të cilëve janë të mitur, babai im 90-vjeçar dhe vëllai im 60-vjeçar, të dy me aftësi të kufizuara”.
Pecorelli inskenoi vdekjen e tij në Janar të vitit 2021 në Pukë. Makina e tij u gjet e shkrumbuar në fshatin Gjegjan dhe brenda saj u gjetën edhe eshtra, duke bërë fillimisht që të mendohej se i përkisnin pikërisht biznesmenit. Por, ai u gjet i gjallë më 17 shtator 2021, në ishullin Montecristo (Itali). Ai u shpëtua në det, teksa lundronte me një varkë të vogël. E kur zbriti në tokë, u përball me urdhërarrestin e lëshuar nga gjykata shqiptare, më 2 tetor të 2022.
Rasti i Davide Pecorelli-t në fakt për shumë kohë ishte i mbushur me intrigë. Me origjinë nga San Giustino, sipërmarrësi në sektorin e produkteve të bukurisë dhe ish-arbitër, ishte vendosur në vendin tonë, aty ku fillimisht u mendua se ishte karbonizuar.
Më pas u rishfaq në Itali, në ujërat e detit Tirreno. Tregoi një histori si nëpër libra, duke thënë se kishte qenë në kërkim të një thesari. Në fakt, sipas asaj që doli në hetimet e autoriteteve shqiptare, në Janar të 2024-s, ai i vuri flakën makinës që kishte marrë me qira në Shqipëri dhe brenda saj vendosi eshtra për të simuluar vdekjen e tij. E gjithë ngjarja u inskenua për shkak të borxheve, të cilat e çuan të ndërmerrte këto veprime.
