Kontabilistët dhe punonjësit e tatimeve janë në punë sot pasi data 31 Mars është afati i fundit për dorëzimin e bilanceve për të ardhurat vjetore.
Por që prej orës 09:00, ata janë duke u përballur me një problem të madh, pasi sistemi i e-filing për dorëzimin e Deklaratës Individuale Vjetore të të Ardhurave (DIVA) është i bllokuar e nuk punon, ashtu si e dhe para 3-4 ditëve.
Punonjësit thonë për “JOQ Albania” se ky sistem, që është i domosdoshëm për dorëzimin e bilanceve sot është plotësisht i papërdorshëm, duke lënë shumë kontabilistë dhe biznese të paaftë për të dorëzuar dokumentet brenda afatit.
Disa profesionistë kanë dyshime se ky bllokim mund të jetë i qëllimshëm, për të krijuar mundësi për vendosjen e gjobave për ata që nuk dorëzojnë në kohë pasi gjoba për bilancet në tatime është 10.000 lekë dhe duke qenë se data 31.03.2024 është dhe data e fundit e deklarimit DIVA, kjo e ka gjobën 3.000 lekë.
Kontabilistët dhe bizneset kërkojnë reagim urgjent nga autoritetet tatimore për të zgjidhur problemin dhe për të shmangur penalizimet që mund të shkaktohen nga kjo situatë teknike. Pasojat e bllokimit të sistemit mund të jenë të ndjeshme, duke i bërë ata që përpiqen të përmbushin detyrimet ligjore të përballen me vështirësi të mëdha dhe ndoshta gjoba të paarsyeshme.
Denoncimi nr.1
“Pershnetje, sistemi i efiling per te dorezuar DIVA ka 2 3 dit qe nuk punon dhe nxjerr errore nga me te ndryshmet, sot eshte bllokuar komplet. Sigurisht per tatimet eshte e leverdisshme keshte sepse nga neser te gjithe paguajm 3000 lek te reja vetem gjobe.”
Denoncimi nr.2
“Pershendetje. Ndjese per shqetesimin , por ne kontabilistet kemi nje problem. Nuk punon faqa tatimeve dhe maximumi dorezimi i bilanceve eshte neser. Gjoba per mos dorezim ne afat kohor eshte 10,000 leke. Gjoba per bilancet ne tatime eshte 10.000 leke. Nderkohe qe ne daten 31.03.2024 eshte dhe data e fundit e deklarimit DIVA, qe kjo e ka gjoben 3.000 leke. Te dyja dorezohen ne tatime, ne portal e filing”
Denoncimi nr.3
“Miredita, Faqa e tatimeve sot! Ka qysh ne oren 9 keshtu. Nderkohe kemi per te deklaruar bilancet…me taksat tona ky shtet tallet me ne.”
