Kryeministri Edi Rama ka prezantuar sot programin elektoral të Partisë Socialiste për zgjedhjet e 11 majit.
Teksa po “lypte” votën e shqiptarëve për mandatin e katërt, Rama zbuloi edhe një model të pasaportës që sipas tij do të përdoret nga shqiptarët pas anëtarësimit në Bashkimin Europian.
Ai vuri në dukje se, megjithëse qytetarët shqiptarë sot udhëtojnë pa viza, ende përballen me kontrolle shtesë në kufijtë evropianë.
“Kur shkojmë në BE, ai polici na pyet sa lekë ke me vete, ke ndonjë rezervim hoteli, sa do rrish dhe kur do ikësh,” tha Rama, duke nënvizuar se me anëtarësimin, shqiptarët do të kenë të njëjtat të drejta si çdo qytetar i BE-së.
Rama shtoi se me anëtarësimin në BE, qytetarët shqiptarë do të jenë të barabartë me ato europiane, madje vuri në dukje se do të shmangen edhe situatat e pakëndshme nëpër aeroportet europiane, ku shqiptarët duhet të përgjigjen disa pyetjeve për të kaluar.
“Kur shkojmë në BE, ai polici na pyet sa lekë ke me vete, ke ndonjë rezervim hoteli, sa do rrish dhe kur do ikësh,” tha ndër të tjera Rama.
