Kryetari i Partisë Demokratike, Sali Berisha, është ndalur te shifrat e sondazheve, duke i quajtur ato të manipuluara pasi qeveritarët përpunojnë shifrat dhe më pas ato publikohen.
I ftuar në Çim Peka Live në SYRI TV, Berisha u shpreh se me entuziazmin që sheh te takimet me shqiptarët brenda dhe jashtë vendit, Edi Rama dhe PS do të përfundojnë në shifrat e 1992-shit.
Debati në studio:
Peka: Sa po ka publikuar sondazhin EuroBarometri. PS 35% në Tiranë, PD 24%, 23% të pavendosur, të tjerat janë partitë e vogla. PS është në minimumin historik që pas 2013.
Berisha: A ka ndonjë kullë aty?
Peka: Po ka…
Berisha: Kaq. 0 sondazhi, vizë…Kur sondazhin e shohin më parë qeveritarët dhe përpunojnë shifrat, unë e quaj shumë të rëndë këtë që po bëhet.
Bushati: Ne dimë si do dali përmes EuroNeës. Sondazhi i EuroNeës, unë mendoj se rezultati i zgjedhjeve është i manipuluar por ashtu del. Ajo që nxjerr Euroneës është ajo që vërtetohet ditën e zgjedhjeve.
Berisha: Këtë herë ai do të dali i përmbysur. Me këtë entuziazëm që shoh unë te shqiptarët ai do të përfundojë në shifrat e 1992. Të themi që shqiptarët janë budallenj, nuk janë kurrë, të themi që hanë bar, nuk hanë kurrë. Ç’është ky shpërthim?
Nuk është problemi sa ishte numri, por aty ishte shpërthimi i tyre me një energji të jashtëzakonshme.
Sot shqiptarët po shfryjnë më shumë se kurrë kundër regjimit dhe po shpreh besimin më të madh te PD dhe aleanca jonë, duke arritur vërtetë të prekë telat e shqiptarëve, ka arritur të pëlqehet prej tyre.
