Edi Rama gjatëm rubrikës “Sy më sy” në rrjetet sociale, ka replikuar me ndjekësit që i cekin mashtrimet e tij, por kryeministri premtive të pambajtura iu përgjigj me premtime të tjera.
Rama pranoi se ka 12 vite në pushtet, por sipas tij, kjo kohë nuk i ka dalë akoma për të zgjidhur problemin e ujit të pijshëm dhe rrugëve rurale, por iu kërkon shqiptarëve dhe një tjetër mandat që ta realizojë këtë premtim.
“Fjalët i degraduar shkonin dikur, tani nuk shkojnë më. Isha dje në Divjakë me kryetarin e bashkisë, me një fermer të jashtëzakonshëm dhe njeri i jashtëzakonshëm që i rri te koka punëve. Ne kemi vajtur në një rrugë që lidh Remasin me një fshat tjetër. Kryetari tha rruga e parafundit rurale e Divjakës, pra pothuajse të gjitha rrugët e fshatrave janë të lidhura, me standardet e një fshati, se thonë fshati, fshati, jo mos, është si puna e ujit, se s’ka ujë. Si s’ka ujë? Katër zona ishin kur morëm detyrën, 48 urbane dhe 98 rurale janë aktualisht. Sa mandate janë, 3 mandate 12 vjet, pse nuk u bënë në 120 vjet këto, ku ishin, pse s’u bënë. Dhe 11 kantiere janë aktualisht për ujin e pijshëm, plus edhe një bllok tjetër dhe brenda një mandati tjetër dhe mbyllet kjo punë. Se nuk kishte ujë 24 orë vetëm në ca pika. Në Vlorë kur shkoja te gjyshja nuk kishte ujë 24 orë dhe ujin shkonim e mbushnim te çezma e lagjes të gjithë, kuptove! Me Karavastanë kemi një projekt të jashtëzakonshëm”, tha Rama.
Për Ramën, Shqipëria është mirë për sa kohë, njerëzit që vdesin për bukën e gojës janë në numër shumë të vogël.
“Për cilët e ke fjalën që nuk kanë bukë të hanë në darkë? Për kë e konkretisht? Në Shqipëria ka patjetër një numër shumë të vogël, por historia e bukës për drekë dhe për darkë në Shqipëria ka shumë vite që është mbyllur. Në Shqipëri për bukë nuk ka vdekur njeri që nga koha e Skënderbeut, ke dëgjuar njeri ti të vdesë nga uria”, tha Rama.
