Një aksident ka ndodhur në Përmet, ku si pasojë ka mbetur i plagosur drejtuesi i mjetit. Ngjarjaështë shënuar në rrugën kombëtare Përmet-Çarçovë, pranë fshatit Badlonjë.
Mësohet se automjeti tip ‘Mercedes-Benz’, me drejtues një 79-vjeçar, ka dalë nga rruga dhe ka bërë dy rrokullisje, duke përfunduar anash rrugës.
Në vendngjarje kanë shkuar forcat e Policisë Rrugore, të cilat po hetojnë për zbulimin e rrethanave të aksidentit dhe shkaqeve.
79-vjeçari është transportuar në spital për ndihmë mjekësore.
Dyshohet se aksidenti ka ndodhur për shkak të humbjes së kontrollit të automjetit nga ana e drejtuesit të moshuar.
