Lefer Maliqi ka paralajmëruar se qarku i Beratit do të jetë surpriza e zgjedhjeve parlamentare të “11 Majit”.
Gjatë reagimit në rrjetet sociale, Maliqi premton se do të dalë deputet i sigurt për legjislaturën e ardhshme në Kuvend.
“Zyrtarisht Kandidat dhe Deputet i sigurt i Qarkut Berat.
Më pëlqejnë sfidat dhe çdo betejë e fitore e kam marr me meritë dhe mbështetje të gjerë popullore. Pranova të jem në listat e hapura, duke patur besim tek qindra e mijëra banorë të majtë dhe të djathtë të ndershëm në Qarkun e Beratit.
Qarku Berat surprizë e Zgjedhjeve të “11 Majit”. Të vendosur për të marrë 4 Mandate për herë të parë. Fitues kundrejt 3 Mandateve të Rilindjes së krimit, skandaleve e mashtrimit.
Opozita e Bashkuar e sigurt në fitoren e “11 Majit”.
Drejt Beratit më optimist se kurrë më parë! Votoni me zemër, pa imponime! Gezuar diten e veres. Fitore. Mirënjohje!”, shkruan Maliqi.
