Bylis rikthehet shpejt te fitorja, lë pas atë humbje befasuese përballë Skënderbeut dhe rikthehet të festojë në shtëpi. Ekipi i Mezanit triumfoi 1-0 përballë Teutës, një fitore jashtëzakonisht e rëndësishme kundër një rivali direkt për të mbijetuar në elitë.
Në stadiumin “Adush Muça” u zhvillua një 90-minutësh i luftuar për çdo top, por me pak raste për shënim. Në fund diferencën e bëri një gol i Malomo në minutën e 52-të, me mesfushorin nigerian që me një goditje të saktë me kokë dërgoi topin në rrjetë.
Falë këtij suksesi, Bylis parakalon Teutën në renditje duke u pozicionuar në vendin e 7-të në kuotën e 31 pikëve, 3 më shumë se sa Teuta.
