Analisti Andi Bushati u shpreh në emisionin “Të Paekspozuarit” në MCN TV se ka disa shenja që SPAK po përpiqet t’i përshtatet Amerikës së re, por nëse SPAK është me agjendë ambasadorësh, nuk duhet të mbijetojë.
“Nga këto që the ti, duket sikur Amerika është, por është për të thënë që pushteti që ishte para nesh, është përdorur për të bërë masakër me reformën në drejtësi dhe për ti dhënë pushtetin Ramës.
Problemi është, e para punës, që ata kanë luftë të tyre të brendshme dihet. Por, pse në luftën e tyre të brendshme, në këtë rruzull të madh, zgjodhi Shqipërinë për ta bërë si rast laboratorik? Mos këtu është bërë që shumë baltë, sa për luftën e tyre të brendshme ia vlen ta përdorin? Se mund ta kapnin raste të tjera.
Kanë kapur Shqipërinë, me sa duket e kanë gjetur pikën se ku të kapen.
E dyta, që mendoj se ka rëndësi për debatin që bëjmë këtu, na kanë çarë kokën, po të thoshe SPAK dhe GJK, thoshin është Amerika prapa, aleati. Po tani? Kujt Amerikë t’i besoj unë? Asaj të Soros apo asaj të Musk? Asaj të gejve apo të anti-gay-ve? Asaj të emigrantëve apo të anti-emigrantëve?
Gjithë budallenjtë që kanë dalë nëpër studio me flamurin e shqyer amerikan, të paktën të bëjnë pushim.
Kam frikë tani, që do të dalin proamerikanët e rinj dhe do të na hidhen në fyt dhe do të thonë e tha Amerika, shikoni çfarë burri i madh është Saliu dhe sa i keq është SPAK. Por, SPAK ngelet i njëjti edhe kur e donte Amerika edhe kur mund ta shajë Amerika.
Këta budallenjtë me flamuj amerikanë, duhet të bëjnë pushim.
SPAK ka disa shenja që po përpiqet t’i përshtatet Amerikës së re. Prandaj ra sorosisti më i madh. Sa fryu era anti-Soros, u bë edhe SPAK goditës i sorosistit. Ishalla nuk është kështu, më mirë Veliaj jashtë se i goditur nga kjo gjë.
Ne do të sillemi si syleshë para një amerikani tjetër?
Nëse SPAK është me agjendë ambasadorësh, nuk duhet të mbijetojë. Nëse Llalla u dënua sepse nuk pranoi porositë e ambasadorit amerikan, nuk kemi bërë drejtësi por makartizëm, sot rrezikojmë një të ri në emër të luftës anti-Soros”- tha Bushati.
