Analisti Armand Shkullaku, ka deklaruar se për vite me radhë përmes fakteve ka qenë opozita që ka treguar me fakte se SPAK po përdoret politiksht, ndërkohë që me arrestimin e Veliajt jemi në një situatë qesharake, pasi janë eksponentë të mazhorancës që po e thonë këtë gjë.
‘Rasti i dytë, më vjen shumë keq që përmenden apo numërohen të brendshmet e Xoxës, por nuk e kam dëgjuar të ju vinte keq teksa botonin lajmet se në shtëpinë e gruas së Ahmetaj u gjetën vibratorë, etj etj ndërkohë që edhe ky tjetri ka shtëpi e familje, e ky standart i dyfishtë vetëm i bën qesharakë’- tha Shkullaku.
Pjesë nga deklarata:
“Kjo e mediave që ju thatë, por në përgjithësi edhe qëndrime të eksponentëve të mazhorancës, jemi në një situatë qesharake pasi janë ata që thonë se SPAK po përdoret politikisht.
Nëse kemi qenë ne, që për vite me radhë kemi treguar me fakte se SPAK po përdoret politiksht, tani kanë dalë këta që po e thonë, pra është rasti i parë ku arrestohet një njeri në detyrë e këta nxjerrin dhëmbët ndaj SPAK.
Janë të njëjtët që thonë ‘sa makabër këta të SPAK’, shikojnë lodrat e fëmijëve dhe thonë se vila është e tyre.
Vila në Palasë p.sh, sepse unë i kam parë të dyja dosjet, është blerë nga qytetare zvicerane me transfertë bankare e cila ka qenë e vërtetuar nga SPAK, megjithatë ka pasur dyshime sepse meqenëse aty janë emrat e fëmijëve , janë veshjet e fëmijëve të Ahmetaj atëher edhe kjo vilë duhej të ishte e Ahmetaj, kanë pyetur arkitektin shoferin.
Pra është e njëjta situatë.
Ather nuk pamë dikë që të thoshte se çfarë është kjo, si mund të shërbejë si provë sepse ka emrat apo rrobat.
Rasti i dytë, më vjen shumë keq që përmenden apo numërohen të brendshmet e Xoxës, por nuk e kam dëgjuar të ju vinte keq teksa botonin lajmet se në shtëpinë e gruas së Ahmetaj u gjetën vibratorë, etj ndërkohë që edhe ky tjetri ka shtëpi e familje, e ky standart i dyfishtë vetëm i bën qesharakë.
Kurse sa i takon dosjen unë e kam lexuar dhe me atë dosje Veliaj e ka vendin aty ku është e nuk ka asnjë dilemë”.
