Kapiteni i Bayern Munich, Manuel Neuer ka “zbërthyer” rivalin në Champions League në prononcimi për media.
Ai shtoi se i dinë pikat e forta të Celtics dhe i kanë marr masat e nevojshme në neutralizimin e tyre:
“Ne jemi të vetëdijshëm për sulmuesit e Sëlltikut. Për mua si portier, unë duhet të merrem me këta lojtarë që kanë ritëm, mund të kalojnë shpejt dhe gjithashtu të përfundojnë aksionet e rrezikshme. Është e rëndësishme për ne që të kemi këto tranzicione, të fitojmë sfida pas humbjes së topit dhe të marrim vendimet e duhura.
Ne kemi punuar për këtë. Unë mendoj se Celtic luan mirë si grup, kanë një ekip agresiv. Ne duhet të thyejmë presionin e tyre, duhet të përpiqemi të luajmë futbollin tonë sulmues. Kjo fillon me lojën tonë ndërtuese. Atmosfera mund të krijojë disa nerva, por ne jemi të përgatitur.
Përsa i takon stilit të lojës, kam luajtur gjithmonë në një mënyrë vërtet sulmuese dhe kam një pozicion edhe më të lartë në posedim se më parë. Ne gjithmonë kemi dalë kundër skuadrave që mbrojnë me pesë prapa kundër nesh, që parkojnë autobusin. Ne gjithmonë duhet të merremi me këtë. Mendoj se kemi bërë edhe gabime në të kaluarën.
Finalja në Mynih? Kjo është në të ardhmen. Është e veçantë të kemi finalen në ‘Allianz Arena’ përsëri. Tomas (Myler) dhe unë jemi të vetmit që luajtëm në atë kohë. Është e veçantë për ne, për të gjithë punonjësit që ishin këtu në atë kohë gjithashtu. Ne jemi të emocionuar. Por së pari duhet të kalojmë Sëlltikun, t’i bëjmë gjërat hap pas hapi”, e mbylli Neuer.
