Një aksident i rëndë automobilistik është regjistruar pasditen e kësaj të mërkurë në aksin Lezhë-Shëngin, pranë lagjes Xhenjo.
Nga informacionet paraprake mësohet se një automjet tip “Audi” është përplasur me një kamion.
Si pasojë e aksidentit ka humbur jetën drejtuesi i “Audit”, shtetasi P. Z., 30 vjeç, teksa ka mbetur e plagosur rëndë dhe pasagjerja në automjet, shtetasja Zh. H., 40 vjeçe. Po ashtu, i plagosur ka mbetur edhe drejtuesi i kamionit shtetasi Xh. D..
Të plagosurit janë dërguar me urgjencë në spitalin e Lezhës dhe ndodhen nën kujdesin e mjekëve.
Policia ndodhet në vendin e ngjarjes dhe po punon për zbardhjen dhe dokumentimin e rrethanave të aksidentit.
