Një ngjarje e rëndë është regjistruar në fshatin Floq, në Korçë, ku një shtetas indian ka humbur jetën në vendin e punës.
Sipas informacioneve të para, viktima punonte në një gurore në këtë zonë dhe ka pësuar një aksident fatal gjatë punës.
Ende nuk dihen rrethanat e plota të ngjarjes, ndërsa policia po vijon hetimet për zbardhjen e saj.
Autoritetet pritet të nisin marrjen në pyetje të administratorëve të gurores dhe personave të tjerë të përfshirë për të përcaktuar përgjegjësitë dhe shkaqet e aksidentit.
