30-vjeçari Kevin Hajrulla ka lënë pas më shumë se një muaji spitalin e Traumës, pas i shpëtoi një atentai mafioz të regjistruar më 18 Dhjetor.
Ai mori mjekim të specializuar dhe iu nënshtrua tre ndërhyrjeve kirurgjikale, pasi u qëllua me 24 plumba, nga autorë ende të paidentifikuar. Atentati deri më tani mbetet i pazbardhur, teksa Policia e Vlorës mblodhi vetëm gëzhojat dhe makinën e djegur të autorëve që u gjet në fshatin Panaja.
30-vjeçari u qëllua me breshëri kallashnikovi teksa po udhltonte me automjetin e tij, tip “Benz”, në një kryqëzim të lagjes “24 Maji”, teksa nga plumb u plagos në këmbë dhe 35-vjeçari Armand Spahiu, i cili ndodhej në vendin e tij të punës, në një dyqan fruta-perimesh.
Kevin Hajrulla është kushëriri i Inez Hajrullës, i cili njihet si i forti i Vlorës, që gjithashtu u ka shpëtuar disa atentateve. Inez Hajrulla mori drejtimin e grupit kriminal të Edison Arizajt pas vrasjes së këtij të fundit në Durrës në vitin 2018.
Në dëshminë e dhënë për grupin hetimor, Kevin Hajrulla ka deklaruar se nuk ka arritur që të njohë asnjë prej autorëve, por ka ndjerë vetëm erën e barutit.
“Jam traumatizuar dhe s’mbaj mend momentin as persona skam parë gjë”, është shprehur ai .
Mësohet se më tej Kevin Hajrulla ka deklaruar se nuk ka konflikt me askënd dhe se për një kohë të gjatë ka punuar në “Call Center” duke lënë të nënkupohet se atentati me breshëri kallashnikovi nuk mund të ketë lidhje me punën që ai ka kryer.
“Nuk kam konflikt me asnjë dhe nuk e di se çfarë mund të ketë ndodhur” mësohet të ketë thënë Hajrulla.
Gjithashtu, 30-vjeçare është pyetur dhe në lidhje me marrëdhëniet që ka me kushëririn e tij, Inez Hajrulla, ku ka deklaruar se me të takohet shumë rrallë.
“Nuk shoqërohem me Inezin. Ndodh që takohemi në raste familjare”, ka rrëfyer i plagosuri.
Burime bëjnë me dije se pavarësisht dëshmisë së Kevin Hajrullas, grupi hetimor ka dyshime se ai u tentua të eliminohej për shkak të aktivitetit kriminal të kushëririt të tij, Inez Hajrulla.
Kjo pistë u përforcua edhe për faktin se vetëm pak ditë më vonë, mbrëmjen e 21 Dhjetorit u regjistrua një shpërthim i fortë me tritol me dron në një apartament në katin e 9-të të një pallati.në Tiranë.
Apartamenti ishte marrë me qira nga Elena Arëza, partnerja e Bernard Sinomati dhe dyshohet se të dy ata ndodheshin në banesë në momentin e shpërthimit dhe janë larguar vetëm pak minuta më pas.
Bernard Sinomati është një prej emrave të krimit në Vlorë dhe vëllai i Sokol Sinomatit, teksa iu ka shpëtuar edhe dy herë të tjera sulmeve me tritol dhe armë.
Grupi i Sinomatajve njihet për përplasjen me grupin e Inez Hajrullas, por burime bëjnë me dije se deri më tani ky i fundit nuk është marrë në pyetje për t’u pyetur në lidhje me këto dy atentate, pasi sipas sistemit TIMS rezulton jashtë vendit.
Ndërkohë, ka dyshime dhe se dy atentatet e mësipërme mund të kenë lidhje dhe me ngjarjen e regjistruar mbrëmjen e 7 Janarit, ku Bernard Sinomatit i vranë në Vlorë nipin me snajper (djali i Sokolit), Gëzim Sinomatin, vetëm 23 vjeç, ngjarje ende e pazabardhur. Në momentin kur u qëllua, i riu ndodhej në ballkon duke pirë cigare, teksa brenda apartamentit dyshohej se ndodhej Bernard Sinomati.
Viktima sapo ishte kthyer nga Blegjika, teksa nuk njihej për precedent penal dhe dyshohet se në atë atentat qitësin mund të kenë ngatërruar edhe shënjestër, pasi mund të kenl dashur të vrasin pikërisht Bernard Sinomatin.
