Policia e Vlorës ka arrestuar një 40-vjeçar që shkaktoi aksidentin me pasojë vdekjen mbrëmjen e djeshme në aksin rrugor “Levan-Vlorë”.
U bë me dije se 40-vjeçari, mbrëmë përplasi për vdekje një këmbësor.
“Në vijim të informacionit të dhënë mbrëmjen e djeshme, mbi aksidentin në aksin rrugor “Levan-Vlorë”, informojmë se specialistët e Sektorit të Qarkullimit Rrugor arrestuan në flagrancë shtetasin B. S., 40 vjeç, banues në Vlorë, pasi me automjetin që drejtonte, ka përplasur me pasojë vdekjen, këmbësorin, shtetasin E. G., 49 vjeç, banues në Vlorë.”, thuhet në njoftimin e policisë.
