Një i ri është arrestuar nga Policia e Tiranës, pasi qarkullonte me armë zjarri në automjet. Në kuadër të operacionit të koduar “Flagranca 1” është vënë në pranga shtetasi Elden Dushku, 33 vjeç, banues në Lezhë.
“Ky shtetas është ndaluar nga shërbimet e Policisë, ndërkohë që drejtonte automjetin tip “Benz”, në të cilin, gjatë kontrollit, shërbimet e Policisë gjetën 1 armë zjarri pistoletë dhe municion luftarak, të cilat u sekuestruan në cilësinë e provës materiale. Vijojnë hetimet për të zbuluar qëllimin për të cilin ky shtetas qarkullonte me armë zjarri”, thuhet në njoftimin e policisë.
Nga pamjet e publikuara nga Policia shihet se Elden Dushku e kishte futur armën e zjarrit pistoletë brenda një çorapeje.
Materialet procedurale i kaluan Prokurorisë së Tiranës për veprime të mëtejshme.
