Komisioni i Disiplinës ka marrë vendimet për javën e fundit të futbollit shqiptar.
Për sjelljen e gabuar të tifogrupit të “ultrasve”, duke përforur sharje, flakadantë dhe duke goditur me sende tifozerinë kundërshtare, klubi i Elbasanit e ka pësuar duke u gjobitur me 100.000 lekë, ndërsa e pësojnë dhe Tirana me Vllazninë nga Superiorja.
Të dy klubet janë dënuar dënohet me gjobë në masën 50.000 lekë.
Në anën tjetër, Skander Tahri që luan edhe me ekipin e parë të Partizanit, është pezulluar me 4 ndeshje për sjellje josportive në sfidën e ekipit U-19.
Vendimet e Komisionit të Disiplinës dhe Etikës
- KF Vllaznia, për sjellje të gabuar të spektatorëve, duke ndezur flakadanë dhe mjete të tjera piroteknike, në bazë të nenit 17/2/c të KDE, dënohet me gjobë në masën 50.000 (pesëdhjetë mijë) lekë.
- KF Tirana, për sjellje të gabuar të spektatorëve, duke përdorur kore fyese ndaj ekipit dhe tifozerisë kundërshtare, në bazë të nenit 17/2/e të KDE, dënohet me gjobë në masën 50.000 (pesëdhjetë mijë) lekë.
- AF Elbasani, për sjellje të gabuar të spektatorëve, duke ndezur flakadanë dhe mjete të tjera piroteknike si dhe duke përdorur kore fyese ndaj ekipit dhe tifozerisë kundërshtare, në bazë të neneve 17/2/c dhe 17/2/e të KDE, dënohet me gjobë në masën 100.000 (njëqind mijë) lekë.
- Lojtari i FK Erzeni, Elvis Gjoni, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
- KF Egnatia U-21, për braktisjen e ndeshjes së vlefshme të kampionatit Abissnet Superiore U-21, kundër FC Dinamo City U-21, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
- Zyrtari i FK Partizani U-19, Florian Ristani, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
- Lojtari i FK Partizani U-19, Skander Tahri, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim.
