Nga Basir Çollaku
Qipro dhe Dubai janë streha financiare edhe ofshor të patrazuara nga asnjë Prokurori në Shqipëri.
A janë dhjetëra milionë të AKSH në Qipro? A janë miliona të tjerë në Dubai dhe në Qipro. Dhe këtu ministra e ish-ministrave janë pronarët e këtyre llogarive.
Përse pushteti dhe shteti nuk pranojnë të bëjnë marrëveshje ekstradimi me Emiratet? Përse nuk kërkojnë kontrolle në “parajsat” financiare të Qipro dhe Dubai?! Zbulojnë kryeministrin? Ministra? Ish-ministra? Kryebashkiakët?! Biznesmenë me portofol të përbashkët me zyrtarët publikë?!.Njerëz të drejtësisë e të policisë?! Aty janë vjedhjet e inceneratorëve të 5D e 6D, investimet strategjike, të trafikut të kokainës apo më herët miliardat e hashashit? Janë përqindjet e majme të Sorosit?! Pyesni Ballën si vizitor i shpeshtë në Dubai. Ndaj gatuan drejtësinë Rama-Soros një aferë korruptive e kontrolluese!! Një lëmsh zyrtar, ku u lanë nëpër poste shumicë yes-menësh pa shtyllë kurrizore. Ekipi elektoral i Dubait i ka kontratat e pastrimit të parave me këtë qeveri ndaj investimi i tyre zgjedhor rilindas 2025 është në aksion…
Iu shkrep se është Ismail Qemal dhe lëshoi mjekrën e zbardhi duke gjezdisur si baba kombi. Iu lezetua dalldia e parë dhe bëri një bust të heroit kombëtar, Skënderbeut, për arbëreshët duke vënë surratin e tij si majmunëri e dhunshme. Marrëzia ia sundoi kokën dhe sajoi me bindjen e përjetësisë në sinorët e Kryeministrisë, kopshtin e Edenit, si sarajet e Zotit. Hodhi 4 milionë euro pa pyetur kurrëfarë ligji e robi. Por gjithnjë ka një por..
Pasi ka zgjedhur prokurorë të bindur çalltisjet e tij kriminale e korruptive janë rekorde të pakonkurrueshme.
KM është rënduar. Hesapet i janë ngatërruar. Me rënien nga vakti të vëlla Soros i duhen edhe qershitë e hedhura dje. Kështu po bën me Veliajn. Vjedhjet bashkë kryesisht me inceneratorët e lejet e ndërtimi e kanë detyruar e kanosur Ramën të japë amnisti parazgjedhore për Erion Veliajn. E ka të domosdoshëm një hajdut elektoral të këtij kalibri për 11 majin. Paçka se ai është në hetim e pragmarrje të pandehur nga SPAK për ndoshta tre grupe të strukturuara kriminale bë Bashki e shtëpi. Kjo është një nga ndihmat zgjedhore të dhëna Ramës nga Struktura e Posaçme. Denoncimet e Ahmetajt janë dosje të rënda
50 milionë euro të Llogarasë ku Balluku di turqisht
53 milionë euro AKSHI 1 dhe 108 milionë euro AKSHI 2
100 mijë euro ditore agregatët e energjisë në Vlorë
Miliarda euro tendera rrugësh
1.3 miliardë Thumanë – Kashar
Aty keni edhe bitcoin prodhim me energji e infrastrukturë kompjuterike free.
Sazani dhe baza detare të Sarandës e Shëngjinit
Porti i Durrësit ku blerjet qindra milionë euroshe vijnë nga çunat e kokainës, të Dubait, të Londrës, Holandës, Belgjikës, Kolumbisë, Ekuadorit..
Merreni zotërinj-zonja të SPAK listën e majmërisë së vjedhur të parave publike, të fshehura në Qipro e në Dubai. Sekuestrojini nëse jua mundësojnë këllqet. Degdisini në kafaz pronarët ministra, qeveritarë, funksionarë drejtësie, të këtyre llogarive. Skema e teori të tjera janë bash dokrra hini…
