Përmes një komunikate shtesë për mediat, Policia e Korçës ka bërë me dije se ka identifikuar autorin e plagosjes së regjistruar mbrëmjen e djeshme në qendër të qytetit.
Bëhet fjalë për shtetasin D M, 39 vjeç. Gjithsesi, ende nuk ka asnjë gjurmë nga 39-vjeçari, i cili është shpallur në kërkim dhe blutë e Korçës bëjnë me dije se po punojnë për kapjen e tij.
Shtetasi D.M. akuzohet se ka plagosur me shikë 40-vjeçarin Ergyst Shtylla, i cili u dërgua mbrëmjen e djeshme në spital me makinë private nga persona të tjerë.
Ai ishte goditur 3 herë me thikë nga 39-vjeçari, teksa iu nënshtrua dhe një ndërhyrje kirurgjikale. Burimet zyrtare bëjnë me dije se në dëshminë e dhënë për Policinë, ai ka thënë ishte qëlluar me thikë nga shtetasi D.M. pas një sherri për motive të dobëta.
Raportohet se nën drejtimin e Prokurorisë po vijon puna për sqarimin e plotë të rrethanave dhe dokumentimin ligjor të ngjarjes.
