Duket se Edi Rama nuk jeton me realitetin e vendit tonë, pasi shpesh herën krahasime se Shqipëria është më mirë sesa vendet e Bashkimit Europian. Ditën e sotme kryeministri ka bërë propagandë në lidhje me konviktet në qyetet studenti, ku nuk nguroi të bënte krahasim me Francën dhe Anglinë.
Sipas Ramës, në konviktet e Londrës dhe të Parisit qëndrojnë nga 4 veta në dhomë, ndërsa në godinat e reja që ndërtoi më në fun socialistët pas 12 vitesh në pushtet, do të qëndrojnë nga 2 veta në dhomë. Madje sipas Ramës, nuk ndodh edhe që të ketë dush çdo dhomë.
Edi Rama: Gjërat nuk arrihen sa hap e mbyll sytë. Plani i transformimit të qytetit Studenti, në një qytet studentor të shekullit të ri, vazhdon. Është një qytet që është trashëgimi e së shkuarës dhe duhet ti shërbejë të ardhmes, duhet të ofrojë për studentët kushte optimale, të njëjta me kushtet më të mira që kanë në vendet e BE.
Ky konvikt këtu, që sapo pamë, është një konvikt, i cili në çdo vend të BE do të qëndronte me dinjitet në kategorinë A, jo në B. Se kudo ka A, B dhe C, ka A konvikte edhe në Paris e Londër, që janë 4 veta në një dhomë, por ka dhe konvikte që janë 2 veta në një dhomë. Këto konvikte kanë 2 veta në një dhomë. Ka konvikte edhe në vendet më të zhvilluara të BE ku dushet janë të përbashkëta për shumë njerëz, këtu çdo dhomë ka dushin e vet. Është një ambicie të bëjmë gjërat që i qëndrojnë kohës për në periudhë të gjatë, jo thjesht gjëra për sot e për nesër.
