Vllaznia është rikthyer tek fitorja, pas asaj humbje zhgënjyese përballë Egnatias javën e kaluar në Shkodër.
Në javën e 23-të të Kategorisë Superiore, shkodranët kanë arritur të mposhtin Teutën në stadiumin “Niko Dovana” të Durrësit me rezultatin e pastër 1-3.
Ylli i sotëm për Vllazninë ishte talenti Kevin Dodaj, teksa Vllaznia arriti të kalonte shpejt në avantazh që në minuitën e ‘2 të takimit. Pas një harkimi të Gurishtës, Mingo devijon topin duke ia dhuruar Esat Malës, i cili nuk fali para portës, duke kaluar ekipin e tij në avantazh.
Shkodranët arritën të gjenin dhe golin e dytë të takimit në minutën e 23′, ku Kevin Dodaj arriti të fitonte një penallti, ku Bekim Balaj nuk gaboi nga pika e bardhë e 11-metërshit duke e shndërruar në gol.
Me rezultatin 0-2 do të mbyllej dhe fraksioni i parë i lojë, teksa pjesa e dytë do të niste sërish me gol nga Shkodranët.
Në minutën e 47’ ishte Kevin Dodaj, ai i cili realizoi një super gol, teksa në pjesën e par ishte shtylla ajo që ia mohoi.
Goli i vetëm për Teutën erdhi në minutën e ’60 të takimit, ku një top në thellësi direkt nga mbrojtja, u nënvlerësua nga prapavija shkodrane dhe shkoi te Beshiraj i cili nuk gaboi para Jukajt.
Ndërkohë, shkodranët në minutat në vijim kishin dhe raste të tjera të pastra për të shënuar, por rezultati mbeti i pandryshuar deri në fund të takimit.
Pas kësaj fitore, Vllaznia ngjitet provizorisht në vendin e dytë në tabelën e renditjes me 40 pikë, dy më pakë se Egnatia, teksa pret ndeshjet e Partizanit dhe Dinamos, të cilat shkuan poshtë saj.
Ndërkohë, Teuta vazhdon krizën, teksa ndodhet në vendin e 8 nga fundi me 23 pikë, teksa prej disa ndeshjen vazhdon pa fitore, teksa sot regjistroi humbjen e katërt radhazi.
