Partia Demokratike njoftoi pasditen e sotme se kreu i PD-së Sali Berisha njofton se në kuadër të zgjedhjeve të 11 majit, më datë 9 shkurt do të zhvillojë takim me diasporën shqiptare të Romës në Itali.
Përmes një postimi në faqen zyrtare të PD-së në Facebook njoftohet se kryetari i Partisë Demokratike të Shqipërisë, Sali Berisha do të zhvillojë takim me diasporën shqiptare në Romë, Itali, datë 9 Shkurt.
Ndërsa takimi do të mbahet në ERGIFE PALACE HOTEL, Largo Lorenzo Mossa, 8, 00165, Roma RM.
Kujtojmë që kryedemokrati Berisha, mori leje nga SPAK për të udhëtuar jashtë vendit, në kohën që dosja në ngarkim të tij ka kaluar për gjykim.
