Një aksident i rëndë është regjistruar paraditen e kësaj të shtune në aksin rrugor Lezhë-Shkodër, pranë kryqëzimit të Blinishtit, ku mësohet se dy automjete janë përplasur me njëra-tjetrën.
Mësohet se një automjet tip “Volkswagen Polo” është përplasur me një autromjet tip “Benz” dhe si pasojë e aksidentit kanë mbetur të plagosur tre persona, të cilët janë dërguar me urgjencë në spitalin rajonal të Lezhës.
Mjeti “Polo”, për pak, sa nuk ka përfunduar në kanal, pasi pas përplasjes me mjetin tjetër, ka përfunduar mbi barrierat metalike të rrugës.
Shkaku i aksidentit dyshohet të ketë qenë parakalimi i gabuar i automjetit tip “Volkswagen Polo” në kryqëzim. Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
