150 familjet e fshatit Kamçisht në Berat prej kohësh vuajnë mungesën e rrugës. 1.2 km janë kthyer në makth për banorët të cilët merren me bujqësi dhe kultivimin e ullinjve
Rruga është kthyer në problem , pasi u ka prishur makinat plus edhe prodhimin e tyre kryesisht ullinjtë nuk i çojnë dot në fabrikat e vajit. Fshati numëron diku tek 350 hektar ullinj. problem kanë edhe me të sëmurët të cilët nuk i transportojnë dot për në spital.
Bashkia Berat ka bërë disa ndërhyrje në rregullime në rrugë, por që nuk e kanë ndryshuar situatën.
Gjithashtu bashkia mori përsipër me anë të agjencisë së shërbimeve publike të bënte rrugën, por firma që fitoi tenderin për të çuar asfaltin nuk pranoi, pasi pa terrenin e vështirë, pra hoqi dorë.
Këtë e pohon Joana Melëngu, Nënkryetare Bashkie Berat, e cila ndër të tjera shtoi se rruga është trajtuar gjithë kohës me skarifikime, me mbushje me çakëll, edhe më beton sepse i tillë është terreni dhe është e vështirë për ndërhyrjen e mjeteve për asfalt.
“Pasi firma që fitoi tenderin nuk e mori përsipër sjelljen e asfaltit, ne kemi filluar sërish procedurat. Kam folur dhe me banorët për këtë dhe është mëse e sigurtë se si kjo rrugë edhe ajo e fshatit Sadovicë do të shtrohen”, thekson nënkryetarja.
Një javë më pas Agjencia e Shërbimeve Publike të Bashkisë së Beratit ndërhyri për shtrimin e këtij segmenti rrugor. Banorët e këtij fshati dërguan në Fiks Fare pamje të fillimit të punës për shtrimin e rrugë së tyre./TCH
