Vrasja e vëllait të Gentian Beqirit ka lidhje masakrën e Elbasanit më 4 shkurt të këtij viti ku mbetën të vrarë 3 persona dhe u plagosën 8 të tjerë. Masakra ndodhi rreth orës 19: 54 minuta të mbrëmjes së 3 shkurtit 2016, kur persona ende të paidentifikuar hynë brenda në lokalin në pronësi të Agron Çapjas, pranë stadiumit “Elbasan Arena” dhe shkaktuan një masakër të vërtetë.
Grupi hetimor sekuestroi në vendin e ngjarjes 2 armë zjarri automatik që dyshohet se i kanë lënë në vendngjarje autorët e krimit, dy krehëra pa fisheke dhe një krehër me 26 fishekë si dhe 65 gëzhoja. Policia e Shteti ofroi 3 mln lekë kush jep informacion të vlefshëm për kapjen e autorëve të Masakrës në Elbasan, ku 3 persona u vranë dhe 8 të tjerë u plagosën në një lokal.
Prokuroria e Elbasanit ka marrë në dorë hetimin për vrasjen e trefishtë në Elbasan, ndërsa bëhet fjalë për një hakmarrje mes dy grupeve kriminale që daton prej rreth një dekade.
Grupi hetimor bënte të ditur se personat që kanë qëlluar kanë qenë të veshur me uniforma policie. Teksa kanë hyrë në lokal ata kanë thirrur policia duke qëlluar qëlluar në drejtim të lokalit.
