Është zbardhur identiteti i personi që u gjet i vrarë me armë zjarri brenda një automjetit në Zall Mner të Tiranës.
Burime bëjnë me dije se viktima është shtetasi Lulzim Visha, 48 vjeç, banues në Kamëz. Policia raportoi më herët se ai është konstatuar pa shenja jete brenda një automjeti rreth orës 07:40, në rrugën “Shën Stefani” të Zall Mnerit.
Ende nuk dihet nëse kemi të bëjmë me një atentat të organizuar apo me një vrasje pas një konflikti të çastit. Uniformat blu ndodhen në vendin e ngjarjes.
Grupi hetimor, në drejtimin e Prokurorisë, po punon për sqarimin e rrethanave të ngjarjes, identifikimin dhe kapjen e autorit/ëve.
