Një person është arrestuar ngaefektivët e komisariatit të Policisë së Matit, pasi i janë gjetur një armë zjarri kallashnikov dhe qindra fishekë luftarak në banesë.
Në pranga është vënë shtetasi Rrahman Murra, 59 vjeç, banues në fshatin Burgajet, i cili akuzohet për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Autoritetet raportojnë se pas informacioneve të siguruara në rrugë operative, uniformat blu ushtruan kontroll në banesën e tij, ku i gjetën të fshehura një armë zjarri kallashnikov dhe 813 fishekë luftarak, të cilat u sekuestruan në cilësinë e provës materiale.
Materialet procedurale i kaluan Prokurorisë së Dibrës për veprime të mëtejshme.
