Duel dramatik në Champions League mes Benfikës dhe Barcelonës që prodhoi plot 9 gola, teksa në fund ishin katalanasit ata që arritën një përmbysje të çmendur në “frymën e fundit”.
Pjesa e parë përfundoi me rezultatin 3 me 1 për vendasit, falë tripletës së grekut Pavlidis, teksa golin e vetëm për katalanasit e shënoi Levandovski në minutën e 13-të.
Pavarësisht disavantazhit me 2 gola, Barcelona nuk u dorëzua, në minutën e 64, Rafinja shënoi një gol epik, ndërkohë që 4 minuta më vonë kapiteni Aruajo, shkaktoi autogol duke bërë që shifrat të shkonin në 4 me 2.
Edhe pse koha shtrëngonte, skuadra e Hansi Flik, mblodhi forcat për përmbysjen dramatike, teksa goli i Levandovskit në minutën e 78, goli i Erik Garsias në minutën e 87 dhe ai i Rafinjës në minutën 90+6 çuan në ekstazë spanjollët.
Me këtë fitore Barcelona siguron kualifikimin mes tetë ekipeve më të mirë.
Në ndeshjet e tjera, Liverpool kualifikohet në fazën tjetër, pas fitores 2-1 ndaj Lille. Juventus barazoi pa gola ndaj Brugge, në një sfidë ku të dyja skuadrat u treguan shumë të kujdesshme në prapavijë.
Bologna përmbysi 2-1 Dortmund, me verdhezinjtë që vijojnë të mos jenë në formë. Atletico mundi 2-1 Leverkusen, ndërsa Zvezda-PSV përfundoi 2-3.
Rezultatet:
Renditja:
