Gazetari Basir Çollaku, ka deklaruar mbrëmjen e sotme se ata prokurorë që kanë hetuar 21 janarin, duhet të kishin folur.
Çollaku tha në News24, se prokurorët kanë marrë kurajo për hetime tani, pas shumë vitesh, kur ndjejnë se ka “vullnet politik”.
Sipas tij, edhe kryeministri aktual duhet të ishte nën hetim për këtë ngjarje.
“Ka pasur shumë prokurorë që kanë pasur në duar çështjen. Kur u bë vettingu, duhet të ishte etalon se çfarë ka ndodhur me hetimet e 21 janarit. Prokurorët që kanë bërë hetime duhet të kishin folur. Prokurorët që janë te SPAK, kanë qenë te Krimet e Rënda. Këta prokurorë janë, edhe ata janë aktorë në këtë histori.
Drejtësia është prodhim i Soros. Unë them se para 21 janarit, ngjarja akoma më e rëndë 2 prilli, që është krim shtetëror i pandëshkuar. Prokurorët presin vullnet politik që të marrin dëshmitë? A do kemi vullnet të ri? Duhen prova. Rama si organizator i demonstratës duhet të ishte nën hetim“, tha Çollaku.
