Një i moshuar është gjetur i pajetë pasditen e sotme në Tiranë.
Policia bën me dije se rreth orës 15:40, tek Rrethi i Yzberishtit, në rrugë, është gjetur i vdekur një 75-vjeçar.
Sipas policisë, nga këqyrja paraprake e trupit të të moshuarit, nuk ka shenja dhune dhe se paraprakisht dyshohet se shkaku i humbjes së jetës ka ardhur si pasojë e një arresti kardiak.
“Me datë 16.01.2025, rreth orës 15:40 , tek Rrethi i Yzberishtit, në rrugë, është konstatuar pa shenja jete shtetasi L.B, rreth 75 vjeç. Nga këqyrja paraprake nuk konstatohen shenja dhune. Paraprakisht dyshohet se shkaku i humbjes së jetës ka ardhur si pasojë e një arresti kardiak.
Grupi hetimor ndodhet në vendngjarje dhe po punon për përcaktimin e shkakut të saktë e humbjes së jetës”, thuhet në njoftimin e policisë.
