Personi në foto është Xhemal Meta, i moshuari i cili u vra me sende të forta në fshatin Qafë Mollë në Tiranë.
Në lidhje me krimin policia ka shoqëruar rreth 20 persona, banorë të zonës, te cilet mund të kenë dijeni për ngjarjen.
Fëmijët e të ndjerit, që jetojnë në Tiranë, kanë deklaruar se viktima nuk kishte konflikte të njohura dhe nuk ishin në dijeni për ndonjë problem të kohëve të fundit.
“Në vijim të informacionit të dhënë me datë 13.01.2025, i cili bën fjalën për gjetjen pa shenja jete të shtetasit Xh.M, në oborrin e banesës së tij, në fshatin “Shëngjin i Vogël”, ju bëjmë me dije se: Nga tërësia e veprimeve hetimore paraprake si dhe ekzaminimit mjeko-ligjor ka rezultuar se shtetasi Xh.M, ka dëmtime në pjesën e pasme të kokës, të dyshuara të shkaktuara nga goditje me sende të forta. Paraprakisht, në lidhje me këtë ngjarje nga ana e DVP Tiranë, janë referuar materialet në Prokurori, për veprën penale “Vrasje me dashje” parashikuar nga neni 76 i kodit penal. Vijon puna nën drejtimin e Prokurorisë, për dokumentimin e plotë ligjor dhe për përcaktimin rrethanave konkrete të ngjarjes dhe shkaqeve të humbjes se jetës së shtetasit Xh.M”, njoftoi policia.
Policia ka siguruar prova të rëndësishme gjatë hetimeve dhe është në rrugën drejt identifikimit të autorit apo autorëve të mundshëm të krimit.
Mësohet se i moshuari jetonte i vetëm në fshat, pasi familje e tij jetonte në Tiranë.
Lexo edhe:
Vrasja e 81-vjeçarit në Zall-Bastar, policia shoqëron 20 persona
