Elbasani dhe Teuta do të përballen sërish vetëm pas 3 ditësh. Pas duelit në kampionat, ditën e nesërme ekipet do të bëjnë mes tyre llogaritë e fazës së 1/6-ave të Kupës së Shqipërisë.
Një duel shumë i rëndësishëm për verdheblutë, të cilët po u japin fund përgatitjeve për këtë takim. Ivan Gvozdnovic do të ketë sërish mungesa ndaj durrsakëve.
Kështu nuk do të mund të llogaritë shërbimet e Xhonatan Lajthisë, i cili ka në dëmtim muskulor.
Ivan Gvozdenoviç tregoi këndvështrimin e tij para kësaj sfide.
Sërish Teuta, kësaj here në Kupë, si e prisni dhe çfarë synoni? “Nesër është prap Teuta, por tjetër ndeshje, për Kupë. Situatë është e mirë, vetëm Ze Gomesh jashtë. Nuk do rrezikojmë. Për të tjerat jemi në rregull dhe do shikojmë. Ne jemi gati, do shikojmë nesër si do dalim”.
Ndeshje me një takim, për më tepër në transfertë, ndiheni në disavantazh nga ky fakt? “Nuk e di çfarë të them. Ndoshta po, pak, por prapë ky është rregull dhe ne do e respektojmë. Ndoshta Teuta favorit se kemi vetëm një ndeshje, por prap do luftojmë fort. Ne jemi gati, çunat e kuptojnë si është situata”.
Në fundjavë me Dinamon, do bëni rotacion? “Ne jemi vetëm për Kupë, do luajmë me skuadrën më të mirë me të gjithë lojtarët, pastaj mund të flasim për Dinamon. Sot dhe nesër jemi të përqëndruar vetëm për Teutën”
Është objektiv Kupa për Elbasanin? “Çfarë di unë dhe dëgjoj, është objektiv dhe ne do luftojmë”.
