Një automjet është gjetur duke u djegur, në një distancë jo shumë të largët nga vendi ku ndodhi atentatit mbrëmjen e sotme në autostradën Fier-Vlorë.
Dyshohet se automjet në djegie e sipër dyshohet se iu përket autorëve, teksa forcat zjarrfikëse po punojnë për shuarjen e flakëve.
Viktima është 30-vjeçari Kristjan Marku nga Rrësheni, një person me precedent penal. Ai ka qenë duke udhëtuar i vetëm me një automjet tip “Volkswagen” në drejtim të Vlorës në momentin kur është qëlluar me breshëri kallashnikovi nga persona ende të paidentifikuar.
Ngjarja ka ndodhur rreth orës 18:15 sapo kalon rreth-rrotullimin e fshatit Novoselës, teksa në momentin e atentatit ka patur edhe makina të tjera në autostradë janë përpasur me njëra-tjetrën për shkak të frenimit të papritur.
Kristjan Marku është një person me precedent penal për “Vrasje me dashje ne bashkepunim mbetur ne tentative” dhe “Mbajja pa leje e armeve te zjarrit dhe municionit luftarak”.
Ende nuk dihet arsyeja pse i riu nga Rrësheni po udhëtonte drejt Vlorës. Policia ka ngritur disa pika kontrolli dhe po vijon krehja e zonës për të bërë të mundur identifikimin dhe kapjen e autorit/autorëve.
