Kreu i ‘Shqipëria Bëhet’ Adriatik Lapaj, ka hedhur akuza ndaj klasës së vjetër politike, pasi sipas tij e kanë lënë vendin të fundit në rajon në sektorët kryesor.
Gjatë një bashkëbisedimi në Shkodër, Lapaj tha se klasa e vjetër politike refuzon debatin poltik, pasi e ka marrë peng këtë vend.
“Këta që e kanë marrë peng këtë për 34 vite, thonë se nuk ka alternativë tjetër përveç tyre, por refuzojnë që të dalin në debat dhe të japin shpjegim se çfarë kanë bërë në 34 vite dhe çfarë propozojmë ne që të bëjmë në vazhdim.
Kjo klasë politike është ajo që ka bërë që në Shqipëri të ketë këtë realitet ,që ju e di mirë dhe unë nuk po ndalem tek kjo temë. E dini mirë ju problemin me ekonominë, shkollën, spitalet dhe të tjerat.
Lapaj gjatë fjalës së tij në Shkodër, theksoi se arsimi do të jetë një sektorët që qeverisja e tij do të investojë.
Ai tha se shkollat do të jenë të hapura nga ora 8 e mëngjesit deri në orën 17:00, pasi sipas tij, duhet dhënë mundësia një pjesë të nxënësve që t
“Unë sot do të ndalem të flas për aspiratën që ta bëjmë Shqipërinë një vend siç i ka hije në Ballkan.
Po çfarë propozojmë ne në disa sektorë?
Në arsim, sot Republika e Shqipërisë, është vendi me buxhetin më të ulët në Europë për arsimin. Ne sot harxhojmë për arsmin vetëm 2.8 % të prodhimit kombëtar bruto, ndërsa Kosova 4.6 dhe mesatarja e Europës është 5%. Ne angazhohemi nëse vijmë në pushtet që ta bëjmë 5% dhe në 24 muajt e parë të qeverisjes tonë ta çojmë në 7%, duka na kthyer lider në Balllkan.
Dikush do thotë shumë para në arsim? Po, se vendet e varfëra dhe të vogla, ja kanë dalë përpara vetëm investimeve në arsim.
Prandaj për fëmijët dhe nipërit tuaj, të mundësojmë që shkolla të jetë dinjitoze! Të ketë ushqim, që shkolla të nisë në 8 të mëngjesit dhe të përfundojë në 5 të pasdites, për arsye që edhe ata fëmijët e thjeshtë që nuk i kanë mundësi për kurset, të mos paralizohen por të kenë mundësi si të tjerët”, tha Lapaj.
