Izraeli ka miratuar planet për tërheqjen e trupave nga Rripi i Gazës, pas zhvillimeve pozitive në negociatat për shkëmbimin e të burgosurve me Hamasin, raportuan të shtunën disa media izraelite.
Sipas gazetës Haaretz, ushtria ka autorizuar disa skenarë për një tërheqje të shpejtë nga Gaza, në përgjigje të përparimeve në bisedime. Ndër opsionet e shqyrtuara përfshihet tërheqja përmes Korridorit Netzarim, i cili ndan Gazën në dy pjesë.
Pavarësisht ndërtimit të infrastrukturës dhe pozicioneve të shumta ushtarake në rajon, ushtria deklaroi se është e përgatitur për të “evakuuar” forcat dhe për të zbatuar çdo marrëveshje të mundshme midis qeverisë izraelite dhe Hamasit.
