Trajneri i Partizanit, Veselinovic, nuk kursehet ndaj klubit për mënyrën se si po shkon merkatoja e janarit. Sipas tij, largimi i thuasje gjysmës së ekipit titullar e bën Partizanin jo të denjë për të konkurruar për titullin kampion.
Tekniku serb shprehu dukshëm pakënaqësi për merkaton ku Partizani ka larguar lojtarë si Rrapaj, Cara, Hadroj dhe Mba.
Veselinovic nuk u përmbajt, duke thënë se sulmuesi Besar Gudjufi është marrë pa u njoftuar ai, ndërsa në skuadër i kanë sjellë vetëm një përforcim.
“Kur bëhet fjalë për ndeshjen, mund t’i përgëzoj lojtarët për motivin dhe luftën në fushë, përgëzoj dhe tifozët.
Kam 24 vite trajner, kudo që kam punuar kam marrë përgjegjësinë e plotë dhe kam punuar me raporte të shkruara. Në raport është shkruar, me 5 janar, kam dërguar te menaxhmenti i Partizanit. Jam munduar të shpjegoj ku kemi qenë, ku jemi dhe ku po shkojmë me ambiciet që ka klubi. Kam shpjeguar çdo gjë nëpërmjet argumenteve tek ai raport i shkruar.
Kam shkruar tek ai raport që momentalisht që nuk jemi konkurrentë të denjë dhe nuk kemi cilësi të mjaftueshme për të konkurruar.
Nëse analizohet situate para 3 javësh me Vllazninë, sot luajmë pa 5 lojtarë që nuk janë të thjeshtë, por liderë të ekipit. Të mërkurën, para se të dilje në stërvitje, jam lajmëruar që nuk do kem dhe Mba. Në këtë moment nuk kemi cilësi të mjaftueshme për ambiciet e klubit, nuk kemi ekuilibër. Mbase kemi alternativa, por nuk kanë qenë lojtarë stabël. Kemi pasur në protokoll vetëm 15 lojtarë. Nuk kemi as 20 lojtarë të mjaftueshëm, kemi thirrur Jatën.
Mbase është shumë e rëndësishme të thuhen këto gjëra. Dua të them të vërtetën dhe të qëndroj. Nuk e di sa seriozisht e kanë marrë raportin njerëzit që ia u kam dërguar atë. Unë bashkë me stafin nuk kemi ardhur kot këtu, por për ambicie të caktuara. Kjo që po ndodh tani nuk plotëson as ambiciet e mia po as të klubit.
Fillimisht nuk mund të komentoj intervistën e Abilaliajt pasi nuk e kam parë. Mund të them se nuk kemi 3 përforcime, por vetëm 1, Padstrelau. Për sa i përket Sodiq, nuk e di ku ndodhet, ku jeton, nuk e kam idenë. Guxhufi ka ardhur po nuk është se kam folur me dikë për të. Jam informuar vetëm për testet mjekësore”, u shpreh Veselinoviç.
