Një i dënuar që vuan dënimin në burgun slloven Dob i ka vënë zjarrin qelisë në shenjë proteste, por nga ky akt pësoi lëndime të rënda dhe është ende në spital në gjendje kritike për jetën.
Gazeta Veçer njoftoi sot se bëhet fjalë për një shtetas të huaj 23-vjeçar, i cili po vuan dënimin me burg për kontrabandë me njerëz.
Administrata Sllovene për Ekzekutimin e Sanksioneve të Burgut njoftoi sot se burri ishte vendosur në një repart burgu të nivelit më të lartë të sigurisë, ku po vuajnë dënimin të dënuarit me rrezikshmëri të lartë që janë shumë shkatërrues për të burgosurit e tjerë dhe duan të arratisen nga burgu.
Ngjarja ka ndodhur për shkak se i burgosuri është dashur të transferohet në një qeli të posaçme për shkak të sjelljes së keqe.
Para se të zhvendosej, ai ndezi një zjarr dhe dëmtoi derën e qelisë për të mos lejuar që ajo të hapej , dhe të burgosurit e tjerë u evakuuan për shkak të tymit.
Pasi gardianët arritën të hapnin derën e qelisë, në të njëjtën kohë filluan të shuanin zjarrin dhe të ringjallnin të burgosurin që nuk jepte shenja jete. Administrata e burgut tha se askush tjetër nuk u lëndua.
