Pas marrjes në pyetje nga SPAK, të presidentit të Partisë së Lirisë Ilir Meta, deputeti i PL, Petrit Vasili, shkruan në Facebook se askush nuk mund ta kthejë ligjin dhe kushtetutën në një çiflig apo zorrë qorre të rilindjes Rama
Vasili në postimin e tij e ka cilësuar SPAK-un si një farsë kriminale të RamaSPAK-ut e cila ka shënuar një tjetër faqe të zezë ndaj Presidentit Ilir Meta.
‘Eunukët që nuk guxojnë të arrestojnë Ramën dhe Veliajn vazhdojnë me narkoizolimin e paligjshëm, antikushtetues dhe pa fakte e prova të Presidentit Meta.’-është shprehur Vasili
Gjithashtu deputeti i PL ka parashtruar disa pyetje të cilat kërkojnë përgjegjësit dhe përgjigjet që qojnë para ligjit ata që duan ta kthejnë ligjin dhe kushtetutën në çiflig.
Postimi i plotë:
Farsa kriminale e RamaSPAK -ut ndaj Presidentit Meta shënoi sot një tjetër faqe të zezë.
Pas rrëmbimit kriminal sot izolimi mafioz i Metës u shfaq akoma më i neveritshëm se më parë.
Eunukët që nuk guxojnë të arrestojnë Ramën dhe Veliajn vazhdojnë me
narkoizolimin e paligjshëm, antikushtetues dhe pa fakte e prova të Presidentit Meta.
[] Po përse izolohet në këtë mënyrë shtazarake Meta nga SPAK?
[] Çfarë provash mund të prishë Meta i cili nuk ka akses për informacion shtetëror dhe për hyrje dalje në zyrat e shtetit?
[] Përse nuk arrestohet e izolohet Edi Rama qe është denoncuar për vepra të rënda penale me dokumente e prova pa fund dhe me dëm ekonomik me qindra milion euro ?
[] Përse nuk arrestohet e izolohet Erion Veliaj, që akuzohet për disa vepra të rënda penale me dokumente e prova pa fund dhe me dëm ekonomik me qindra milion euro?
[] Përse Rama dhe Veliaj, që hyjne e dalin çdo ditë në zyrat e shtetit dhe prishin e manipulojnë provat nuk arrestohen e izolohen ndonëse janë denoncuar prej vitesh dhe me mijra dokumente që provojnë përgjegjësinë e tyre?
[] Përse Ramës dhe Veliajt i lejohet të bredhin nëpër botë e të bëjnë propagandë mashtruese për të fshehur krimet e tyre ndërsa Presidenti Meta izolohet dhe i pengohet çdo lloj aksesi mediatik e publik?
[] Përse trëmbet kaq shumë RamaSPAK-u nga të vërtetat e Ilir Metës dhe e izolon me çdo mjet e forme në dhunim të plotë të ligjit dhe Kushtetutës?
Të përdridhen sa të duan, por këtyre pyetjeve as nuk ju bishtnojnë dhe as nuk ju shmangen dot.
Të mos kenë asnje iluzion, këto pyetje do të marrin përgjigje dhe përgjegjesit do të përgjigjen deri në një përpara ligjit pa asnje diskutim, sepse nuk bën dot çiflig ligjin dhe kushtetutën asnje prokuror dallkauk dhe zorrë qorre e rilindjes.
