Bayern Munich ka fituar në transfertë përballë Salzburg, në ndeshjen miqësore, e para për vitin 2025 për bavarezët. Sfida e zhvilluar në stadiumin “Red Bull Arena”, përfundoi 0-6 në favor të bavarezëve.
Michael Olise gjeti 2 herë rrugën e rrjetës për Bayern Munich. Gjithashtu gola shënuan edhe Eric Dier, Thomas Muller, Joshua Kimich dhe talenti i bavarezëve, Jonathan Asp.
Një fitore tenistike për bavarezët të cilët japin sinjale pozitivë në këtë fillim viti. Kujtojmë që këtë të shtunë, ‘djemtë’ e Vincent Kompany do të përballen me Borussia Monchengladbach, në orën 18:30.
