Janë zbardhur identitet e autores dhe viktimës së krimit të rëndë në familje të regjistruar në orët e para të mëngjesit në fshatin Metoq të Sarandës.
Autoritetet raportojnë se 49-vjeçarja Elvira Tahiraj ka vrarë bashkëshortin e saj, Llazar Tahiraj, 49 vjeç. Burime bëjnë me dije se gruaja e ka goditur burrin me sëpatë në kokë, duke e lënë të vdekur në vend.
Sipas Policisë, krimi është regjistruar pas një konflikti në familje mes çiftit. Elvira Tahiraj është shoqëruar në ambientet e komisariatit të Sarandës për veprime të mëtejshme procedurale.
Burime bëjnë me dije se bashkëshortja pas sherri me të shoqin, ka pritur derisa ai të flinte gjumë dhe e ka goditur me sëpatë.
Ende nuk dihet se cili ka qenë motivi i konfliktit në çift që degradoi deri në aktin ekstrem nga bashkëshortja.
Nga informacionet paraprake mësohet se Elvira Tahiraj dyshohet se vuan nga çrregullime mendore, çka mund të ketë ndikuar në kryerjen e këtij akti ekstrem. Ngjarja ka tronditur jo vetëm familjen, por edhe komunitetin e qetë të fshatit Metoq.
Mësohet se çifti Llazar dhe Elvira Tahiraj janë prindër të tre vajzave, ku dy prej tyre i kanë të martuara, nd♪7rsa vajza tjetër ndodhej në banesë duke fjetur në momentin e krimit.
Grupi hetimor nën drejtimin e Prokurorisë po punon për zbardhjen dhe dokumentimin e plotë të kësaj ngjarjeje.
