Viti 2025 do të sjellë ndryshim rrënjësor te Partizani. Kjo pasi “demat” kanë vendosur të shesin lojtarët kryesorë që kanë në ekip, ndërsa nuk do mungojnë afrimet.21-vjeçarit.
Çfarë bie në sy nga largimet që priten është se tre kanë mbajtur shiritin e kapitenit. Bëhet fjalë për Carën, Rrapajn dhe Hadrojn. Pasi operacionet për transferimin e tyre të konfirmohen, do të jetë shtatë numri i kapitenëve të larguar nga Partizani brenda dy viteve.
Më parë shiritin kanë provuar ta mbajnë Eneo Bitri, Bruno Telushi, Valentino Murataj si dhe Eljon Sota. Të katërt këto lojtarë të larguar në vitin 2023 dhe 2024.
Duke qenë se Qirko ka vendin e titullarit në portë para Alban Hoxhës, kapiten i Partizanit mbetet Marçelino Preka. Mbrojtësi po bën mjaft mirë këtë vit, teksa ka lënë pas shqetësimet fizike që e shoqëruan në dy sezonet e kaluara te “demat”.
Në moshën 21-vjeçare do të ketë përgjegjësinë e nënkampionëve në fushë. Kujtojmë se ishte pikërisht ai si kapiten i kryeqytetasve kundër Skënderbeut në Korçë për herë të fundit.
Në atë takim të fituar 0 me 2, Rrapaj, Hadroj dhe Cara nuk ishin pjesë e formacionit. Kontrata e Prekës te Partizani është e vlefshme deri në vitin 2026.
